dhina anjal logo
முகப்பு/தமிழ்நாடு

மதுரையில் அனுமதியின்றி வைக்கப்பட்ட கம்பங்களை அகற்ற உயர்நீதிமன்றம் அதிரடி உத்தரவு

By K. ராதாகிருஷ்ணன்
151 views
மதுரை மாவட்டத்தில் அனுமதியின்றி அமைக்கப்பட்டுள்ள மின் கம்பங்கள் மற்றும் கேபிள் கம்பங்களை இரண்டு வாரங்களுக்குள் அகற்ற உயர்நீதிமன்ற மதுரை கிளை உத்தரவிட்டுள்ளது.

மதுரை மாவட்டத்தில் அனுமதியின்றி அமைக்கப்பட்டுள்ள மின் கம்பங்கள் மற்றும் கேபிள் கம்பங்களை இரண்டு வாரங்களுக்குள் அகற்ற உயர்நீதிமன்ற மதுரை கிளை உத்தரவிட்டுள்ளது.

மதுரை மாவட்டத்தில் பொதுமக்களுக்கு இடையூறாகவும், ஆபத்தான வகையிலும் அனுமதியின்றி அமைக்கப்பட்டுள்ள மின் கம்பங்கள் மற்றும் கேபிள் கம்பங்களை உடனடியாக அகற்ற உயர்நீதிமன்ற மதுரை கிளை உத்தரவிட்டுள்ளது. மதுரை - ஒத்தக்கடை தேசிய நெடுஞ்சாலை உள்ளிட்ட பல்வேறு பகுதிகளில் இத்தகைய கம்பங்கள் அதிகளவில் ஆக்கிரமித்துள்ளதாகத் தொடரப்பட்ட பொதுநல வழக்கை விசாரித்த நீதிபதிகள் பி.வேல்முருகன் மற்றும் கே.கே.ராமகிருஷ்ணன் ஆகியோர் இந்த அதிரடி உத்தரவைப் பிறப்பித்துள்ளனர்.

சேலத்தைச் சேர்ந்த ஏ.ராதாகிருஷ்ணன் என்பவர் தாக்கல் செய்த இந்த மனுவில், மதுரை மாநகர் மற்றும் புறநகர் பகுதிகளில் ஏற்கனவே உள்ள மின் கம்பங்கள் மற்றும் தெருவிளக்குக் கம்பங்கள் தவிர, கேபிள் வயர்களைக் கொண்டு செல்வதற்காகப் பல இடங்களில் அனுமதியின்றி புதிய கம்பங்கள் நடப்பட்டுள்ளதாகக் குறிப்பிடப்பட்டுள்ளது. தாழ்வாகத் தொங்கும் கேபிள் வயர்கள் மற்றும் முறையற்ற கம்பங்கள் பாதசாரிகளுக்கும், வாகன ஓட்டிகளுக்கும் பெரும் அச்சுறுத்தலாக இருப்பதாக மனுதாரர் சுட்டிக்காட்டியுள்ளார்.

இந்திய குடிமை பாதுகாப்புச் சட்டம் (BNSS) பிரிவு 152-ன் கீழ், இத்தகைய பொது இடையூறுகள் மற்றும் சட்டவிரோதக் கட்டுமானங்களை அகற்ற நிர்வாக நடுவர்களுக்கு அதிகாரம் வழங்கப்பட்டுள்ளது. இருப்பினும், சம்பந்தப்பட்ட அதிகாரிகள் உரிய நடவடிக்கை எடுக்கத் தவறுவதாக மனுதாரர் தரப்பில் குற்றம் சாட்டப்பட்டது. பொதுமக்களின் பாதுகாப்பை உறுதி செய்ய நீதிமன்றத்தின் தலையீடு அவசியம் என வலியுறுத்தப்பட்டது.

இந்த வழக்கை விசாரித்த நீதிபதிகள், தமிழ்நாடு மின் உற்பத்தி மற்றும் பகிர்மான கழகத்தின் (TANGEDCO) விநியோகப் பிரிவு இயக்குநர் மற்றும் தலைமைப் பொறியாளர் ஆகியோர் மதுரை மாவட்டத்தில் உள்ள மின் இணைப்புகளை ஆய்வு செய்ய வேண்டும் என்று அறிவுறுத்தினர். மின் கம்பங்கள் மற்றும் கேபிள் கம்பங்கள் குறித்த விரிவான அறிக்கையை நவம்பர் 25-ம் தேதிக்குள் தாக்கல் செய்ய வேண்டும் எனவும், தவறும் பட்சத்தில் நீதிமன்றத்தில் நேரில் ஆஜராக நேரிடும் என்றும் நீதிமன்றம் எச்சரித்துள்ளது. மின் இணைப்புகளைத் தவிர்த்து, அனுமதியின்றி வைக்கப்பட்டுள்ள பிற அனைத்துக் கட்டுமானங்களையும் உடனடியாக அகற்ற வேண்டும் என்று நீதிபதிகள் உத்தரவிட்டுள்ளனர்.

More From Dhinaanjal


no comments
கமெண்ட் செய்ய தொடங்கவும்

ஹேஷ்டேக்ஸ்

#உயர்நீதிமன்றம்
#மதுரை
#மின்வாரியம்
#பொதுநலவழக்கு
#தமிழ்நாடு
#MadrasHighCourt
#Madurai
#TANGEDCO
#PublicInterestLitigation
#TamilNaduNews
#Dhinaanjal
#தினஅஞ்சல்
#தினஅஞ்சல் பப்ளிகேஷன்ஸ்
#Dhinaanjalpublications