ரவி தேஜாவின் அடுத்த அதிரடி ஆக்‌ஷன் படம்: துலாபாரம் அதிகாரப்பூர்வ துவக்கம்

ரவி தேஜா மற்றும் விவேக் ஆத்ரேயா கூட்டணியில் புதிய படமாக 'துலாபாரம்' அதிகாரப்பூர்வமாக அறிவிக்கப்பட்டுள்ளது.

தமிழ் மற்றும் தெலுங்கு ரசிகர்களால் பெரிதும் எதிர்பார்க்கப்பட்ட மாஸ் மகாராஜா ரவி தேஜா மற்றும் இயக்குனர் விவேக் ஆத்ரேயா இணையும் புதிய திரைப்படத்திற்கு துலாபாரம் என்று பெயரிடப்பட்டுள்ளது. ஹைதராபாத்தில் உள்ள தனியார் ஸ்டுடியோ ஒன்றில் ஞாயிற்றுக்கிழமை நடைபெற்ற இந்த திரைப்படத்தின் துவக்க விழாவில் படக்குழுவினர் கலந்துகொண்டனர். இந்தத் திரைப்படம் கிரைம் மற்றும் சுவாரஸ்யமான சம்பவங்களை உள்ளடக்கிய ஒரு கமர்ஷியல் என்டர்டெயினராக உருவாகவிருப்பதாக அதிகாரப்பூர்வமாக அறிவிக்கப்பட்டுள்ளது.

இந்தத் திரைப்படத்தை பிரிட்ஜ் புரொடக்ஷன்ஸ் சார்பில் லட்சுமண் மற்றும் ஸ்ரீனி ராவ் ஆகியோர் இணைந்து தயாரிக்கின்றனர். சமீபத்தில் வெளியான 'இருமுடி' திரைப்படத்தின் மிகப்பெரிய வெற்றிக்குப் பிறகு, ரவி தேஜா முற்றிலும் மாறுபட்ட ஒரு பரிமாணத்தில் இந்த படத்தில் நடிக்கிறார். இயக்குனர் விவேக் ஆத்ரேயாவின் தனித்துவமான கதைகளம் மற்றும் ரவி தேஜாவின் துள்ளலான நடிப்பு இந்தத் திரைப்படத்தில் புதிய மாற்றத்தைக் கொண்டுவரும் என எதிர்பார்க்கப்படுகிறது. ரசிகர்களின் எதிர்பார்ப்பை பூர்த்தி செய்யும் வகையில், இந்தத் தலைப்பை அறிவிக்கும் ஒரு சிறப்புக் காணொளியையும் படக்குழுவினர் வெளியிட்டுள்ளனர்.

துலாபாரம் திரைப்படத்தில் ரவி தேஜாவுடன் பிரியங்கா மோகன் மற்றும் அனஸ்வரா ராஜன் ஆகியோர் முக்கிய கதாபாத்திரங்களில் நடிக்கின்றனர். மேலும் அனில் கரேல்லா ஜடேஜா கதாபாத்திரத்திலும், ரவி அந்தோணி ராபின் வேடத்திலும், தருண் பாஸ்கர் தேவராஜ் என்ற கதாபாத்திரத்திலும், ஜேடி சக்ரவர்த்தி சிவாஜி ராவ் மற்றும் பிரியங்கா மோகன் கிருஷ்ணவேணி என்ற கதாபாத்திரத்திலும் நடிக்க ஒப்பந்தம் செய்யப்பட்டுள்ளனர். ரவி தேஜாவை இதுவரை மாஸ் மகாராஜா என்று அழைத்து வந்த ரசிகர்கள், இந்த படத்தின் மூலம் அவரை கிரைம் மகாராஜா என்று அழைக்கும் வகையிலான மாற்றங்களை இயக்குனர் விவேக் ஆத்ரேயா உருவாக்கியுள்ளார்.

தொழில்நுட்பக் குழுவைப் பொறுத்தவரை, விவேக் சாகர் இந்த படத்திற்கு இசையமைக்கிறார். ஒளிப்பதிவை தேனி ஈஸ்வர் மேற்கொள்ள, எடிட்டிங் பணிகளை ரவி தேஜா கிரிஜாலா கவனிக்கிறார். கலை இயக்குநராக ஜி.எம். சேகர் பணியாற்றுவார் என்று அறிவிக்கப்பட்டுள்ளது. படப்பிடிப்பு விரைவில் தொடங்க உள்ளது. படத்தின் அடுத்தடுத்த அப்டேட்கள் குறித்த விவரங்கள் வரும் நாட்களில் வெளியிடப்படும் என்று தயாரிப்பு நிறுவனம் தரப்பில் உறுதி செய்யப்பட்டுள்ளது.