இயக்குனர் ரவிக்குமார் இயக்கத்தில் சூரி - ரஜிஷா விஜயன் இணையும் புதிய திரைப்படம்: படப்பிடிப்பு தொடங்கியது

நடிகர் சூரி மற்றும் ரஜிஷா விஜயன் நடிப்பில் இயக்குனர் ரவிக்குமார் இயக்கத்தில் புதிய திரைப்படம் படப்பிடிப்பு தொடங்கியது.

தமிழ் சினிமாவில் தனது நகைச்சுவை நடிப்பால் தொடங்கி, தற்போது கதாநாயகனாக மிரட்டி வரும் சூரி, மீண்டும் ஒரு புதிய திரைப்படத்தில் ஒப்பந்தமாகியுள்ளார். இவருடன் நடிகை ரஜிஷா விஜயன் முக்கிய கதாபாத்திரத்தில் நடிக்கிறார். ‘இன்று நேற்று நாளை’ மற்றும் ‘அயலான்’ போன்ற வெற்றிப் படங்களை இயக்கிய இயக்குனர் ஆர்.ரவிகுமார் இந்தத் திரைப்படத்தை இயக்குகிறார். இப்படத்தின் படப்பிடிப்பு கடந்த புதன்கிழமை ஒரு சிறிய பூஜையுடன் முறைப்படி தொடங்கியது.

தற்காலிகமாக ‘சூரி 07’ என்று அழைக்கப்படும் இந்தத் திரைப்படத்தை மைத்திரி மூவி மேக்கர்ஸ் நிறுவனம் பிரம்மாண்டமாகத் தயாரிக்கிறது. இப்படத்தின் தொடக்க விழாவில் நடிகர் சிவகார்த்திகேயன் கலந்துகொண்டு, படத்தின் முதல் காட்சிக்கான கிளாப் போர்டை அடித்து படப்பிடிப்பைத் தொடங்கி வைத்தார். வளர்ந்து வரும் நட்சத்திர நாயகனான சூரிக்கு, இந்தத் திரைப்படம் கூடுதல் பொறுப்பை உணர்த்தும் விதமாக அமையும் என்று இயக்குனர் ரவிகுமார் படப்பிடிப்புத் தளத்தில் தெரிவித்தார்.

நடிகர் சூரி ஏற்கனவே விடுதலை பாகம் 1 மற்றும் 2, கருடன், கொட்டுக்காளி, மாமன் மற்றும் மந்தாடி போன்ற படங்களில் கதாநாயகனாகத் தனது முத்திரையைப் பதித்துள்ளார். இதனைத் தொடர்ந்து சமீபத்தில் இயக்குனர் ராம் இயக்கத்தில் வெளியான ஏழு கடல் ஏழு மலை படத்திலும் அவர் சிறப்பாக நடித்திருந்தார். இப்போது ரவிக்குமார் இயக்கத்தில் அவர் இணைந்துள்ள இந்தத் திரைப்படம், அவரது திரைப் பயணத்தில் ஏழாவது நாயகன் படமாக அமைகிறது என்பது குறிப்பிடத்தக்கது.

நடிகை ரஜிஷா விஜயன் சமீபத்தில் மஸ்திஸ்க மரணம் போன்ற படங்களில் நடித்திருந்ததுடன், சர்தார் 2 திரைப்படத்தில் ஒரு சிறிய கேமியோ கதாபாத்திரத்திலும் தோன்றியிருந்தார். தற்போது சூரிக்கு ஜோடியாக அவர் இணையவிருப்பது ரசிகர்கள் மத்தியில் எதிர்பார்ப்பை ஏற்படுத்தியுள்ளது. இப்படத்தில் சூரி மற்றும் ரஜிஷா தவிர்த்து பிற நடிகர்கள் மற்றும் தொழில்நுட்பக் கலைஞர்கள் குறித்த கூடுதல் விவரங்களை தயாரிப்பு நிறுவனம் விரைவில் அதிகாரப்பூர்வமாக வெளியிடும் என்று எதிர்பார்க்கப்படுகிறது.